Möhür və Ştamplar

Kimlər möhür sifariş edə bilər?

Möhürlər əsasən yeni qeydiyyatdan keçmiş hüquqi şəxslər və fərdi sahibkarlar tərəfindən bank, müqavilə, sənədləşmə və digər iş proseslərində istifadə məqsədilə sifariş olunur.

Həmçinin fəaliyyət xüsusiyyətindən asılı olaraq həkimlər və digər peşə sahibləri üçün fərdi möhürlər hazırlana bilər.

Şirkətlər üçün əlavə olaraq mühasibatlıq, anbar, kassa, sənəd dövriyyəsi və digər daxili proseslərdə istifadə olunan müxtəlif təyinatlı ştamplar hazırlayırıq.

İlk möhürün hazırlanması üçün hansı sənədlər tələb olunur?

İlk möhür sifarişi üçün aşağıdakı sənədlər təqdim edilməlidir:

• dövlət reyestrindən çıxarış;
• VÖEN məlumatı;
• səlahiyyətli şəxsin şəxsiyyət vəsiqəsinin surəti.

Sənədləri sifariş zamanı sayt üzərindən yükləyə bilərsiniz. Həmin anda sənədlər əlinizdə deyilsə, sifarişinizi onlayn rəsmiləşdirib ödəniş edə, sənədləri isə daha sonra WhatsApp və ya e-poçt vasitəsilə təqdim edə bilərsiniz.

Möhürün hazırlanmasına tələb olunan sənədlər təqdim edildikdən və sifariş məlumatları təsdiqləndikdən sonra başlanılır.

Möhür və ştamp arasında fərq nədir?

Möhür adətən şirkətin və ya sahibkarın rekvizitlərini əks etdirən və rəsmi sənədləşmə proseslərində istifadə olunan çap vasitəsidir. Möhürün üzərində təşkilatın adı, hüquqi forması, VÖEN və digər tələb olunan məlumatlar yerləşdirilə bilər.

Ştamp isə əsasən gündəlik sənəd dövriyyəsini sürətləndirmək üçün istifadə olunur. Məsələn, "Ödənilib", "Surəti düzgündür", tarix, ünvan, rekvizitlər və ya digər təkrarlanan məlumatlar ştamp şəklində hazırlana bilər.

Ştampın ölçüsü, forması və məzmunu istifadə məqsədinə uyğun olaraq fərdi şəkildə müəyyən edilə bilər.

Eyni şirkət üçün 2-ci möhür sifarişi

Eyni şirkət üçün tam eyni iki möhür hazırlana bilməz. 2-ci möhür sifariş edilərkən onu əsas möhürdən fərqləndirən fərqləndirici nişan olmalıdır. Bu, möhürün hazırlanması üçün tələb olunan sənədləşmə və müvafiq arayışın verilməsi zamanı qoyulan tələblərdən biridir.

Fərqləndirici nişan rəqəm, hərf və ya möhürün istifadə təyinatını göstərən qısa mətn ola bilər.

Məsələn:

• "1", "2"
• "A", "B"
• "Sənədlər üçün"
• "Kassa"
• "Anbar"
• "Gömrük işləri üçün"

Praktik istifadə baxımından möhürün təyinatını göstərən mətn daha əlverişlidir. Bu, şirkət daxilində möhürlərin hansı məqsədlə istifadə edildiyini asanlıqla fərqləndirməyə imkan verir.

Hansı fərqləndirici nişanın daha uyğun olduğuna əmin deyilsinizsə, möhürün istifadə məqsədini bizə bildirin — uyğun variantın seçilməsində sizə kömək edərik.

Möhür itirilib və ya yararsız hala düşüb?

İtirilmiş və yararsız hala düşmüş möhürlər üçün prosedur fərqlidir.

Möhür itirilibsə, onun əvəzinə yeni möhürün hazırlanması üçün möhürün itirilməsini təsdiq edən müvafiq arayış təqdim edilməlidir.

Möhür sizdədirsə, lakin yararsız hala düşübsə, köhnə möhür müvafiq akt əsasında ləğv edilir və onun əvəzinə yeni möhür hazırlanır.

Hər iki hal üzrə tələb olunan sənədlər və prosedur haqqında ətraflı məlumat:

Hazırlanma müddəti

Standart hazırlanma müddəti 2 iş günüdür.

• Standart
• Növbəti iş günü (+50%)
• Eyni iş günü (+100%)

"Eyni iş günü" seçimi saat 12:00-a qədər rəsmiləşdirilmiş və hazırlanması üçün tələb olunan bütün məlumat və sənədləri təqdim edilmiş sifarişlərə şamil olunur. Bu xidmət şənbə günü mövcud deyil.

Hazırlanma müddəti iş günləri üzrə hesablanır.

Çatdırılma

• Ofisdən təhvil alma
• Bakı daxili çatdırılma (+7 AZN)
• Rayonlara çatdırılma (+20 AZN)