Bloknotlar
Ölçü, cildləmə, daxili çap və tiraj seçimləri ilə fərdi bloknotlarınızı hazırlayın.
- A6, A5 və A4 ölçüləri
- Spiral və termokley cildləmə
- Rəngli və ya standart daxili çap
- Müxtəlif tiraj seçimləri
Bloknotları A6, A5 və A4 ölçüsündə, spiral və ya termokley tikişlə hazırlayırıq. Tikişin yuxarıdan və ya soldan olması, daxili səhifələrin qara-ağ yoxsa tam rəngli çapı da sizin seçiminizdir. Standart hazırlanma müddəti 3-5 iş günüdür.
Spiral və termokley arasında fərq
Spiral bloknot 360 dərəcə açılır və masada düz yatır — qeyd götürərkən rahatdır, xüsusilə sahə işində. Termokley (yapışqanlı) tikiş isə kitab kimi səliqəli kənar verir və korporativ hədiyyə dəsti üçün daha rəsmi görünür. Fərq praktiklik ilə görünüş arasındadır.
Tikiş yuxarıdan yoxsa soldan
Soldan tikiş adi dəftər məntiqidir — səhifə sağa çevrilir, uzun mətn üçün rahatdır. Yuxarıdan tikiş isə bloknotu bir əldə tutub yazmağa imkan verir; satış təmsilçiləri, anbar və sahə işçiləri adətən bunu seçir.
Daxili səhifələr
Daxili çap standart olaraq qara-ağdır və qiymətə daxildir. Tam rəngli daxili çap 3% əlavə ilə mümkündür — hər səhifədə solğun loqo, xətt sistemi və ya rəngli başlıq istəyirsinizsə bu variant seçilir.
Tiraj
10 ədəddən 1000 ədədə qədər sifariş qəbul edirik. Kiçik tirajlar tədbir və ya komanda üçün, böyük tirajlar isə müştəriyə paylanan korporativ hədiyyə üçün münasibdir. Tiraj artdıqca ədədin qiyməti aşağı düşür.
Hazırlanma və çatdırılma
Standart müddət 3-5 iş günüdür; növbəti iş gününə 50%, eyni iş gününə 100% əlavə haqla təcili mümkündür. Ofisdən təhvil pulsuz, Bakı daxilində 7 AZN, rayonlara 20 AZN. Müddət iş günləri ilə hesablanır — həftəsonu sayılmır: şənbə günü «növbəti iş günü» seçimi ilə verilən sifariş bazar ertəsi hazır olur. «Eyni iş günü» seçimi isə saat 12:00-a qədər verilən sifarişlərə şamil olunur və şənbə günü mövcud deyil. Təcili variantlar tirajla məhdudlaşır: növbəti iş günü 500 ədədə qədər, eyni iş günü isə 100 ədədə qədər sifarişlərə şamil olunur.
Tez-tez verilən suallar
Spiral və termokley tikiş arasında hansını seçim?
Spiral 360 dərəcə açılır və masada düz yatır — qeyd götürmək üçün rahatdır. Termokley kitab kimi səliqəli kənar verir və hədiyyə dəsti üçün daha rəsmi görünür.
Bloknot hansı ölçülərdə hazırlanır?
A6, A5 və A4. A6 cib ölçüsüdür, A5 ən çox seçilən variant, A4 isə iclas qeydləri üçün münasibdir.
Daxili səhifələr rəngli ola bilərmi?
Bəli. Qara-ağ çap qiymətə daxildir, tam rəngli daxili çap isə 3% əlavə ilə mümkündür.
Ən az neçə ədəd sifariş etmək olar?
10 ədəddən başlayaraq sifariş qəbul edirik, yuxarı hədd 1000 ədəddir.